車仔麵之家 (已結業)

小秘書如無必要都好少星期六日過香港島，一來車費貴，而且平日返工已經去到嫌😑 今日破例過嚟灣仔，目的係為咗下晝去一個有關 ‘善用咖啡渣’ 嘅工作坊。上堂之前梗係先去醫吓個肚先啦🤤 灣仔區我唔太熟路，所以只好由朋友帶路，嚟到「車仔麵之家」。舖頭細細，人客都唔少。為食嘅 #小秘書，當然要多點幾個餸先夠滿足啦👀 甜酸齋、豬紅、魚旦、咖哩魷魚、豬腸 配 粗麵，仲以為今日一定食個飽，不過實際上係樣樣食材都係少少、少少咁，不過就幾好味嘅，尤其係咖哩魷魚爽口又入味😋 雖然🍜價錢都唔平，不過間中過吓口癮都ok嘅！