食美軒 (已結業)

今晚相約久違了的朋友飯聚~ 想搵間好坐又唔會限時中菜, 飲下茶傾下偈~朋友見到而家做緊優惠「金秋蟹宴二人套餐」 $588, 就試試佢!餐廳座位好寬敞, 大部分都係卡位, 好好坐!坐低就點左人蔘烏龍茶, 一飲~好香啵~ 有少少似桂花味, 仲有回甘甜味~好impressed!!蟹粉小籠包 粉皮厚薄適中, 唔會怕一夾就穿滿漏晒D汁出來~趁熱食先~ 一啖咬落去~ 滿滿的蟹粉湯汁即刻滲出!! 滿足!酥炸蟹皇蓋成隻蟹蓋都被滿滿的蟹肉填滿~ 外層炸到脆卜卜~ 裡面全部都係一梳梳蟹肉同金黃蟹肉~ 但神奇係, 就算食完成隻都唔會覺得好膩~雪裡藏龍感覺似賽旁蟹~ 但蛋白部分做得唔錯, 好滑!! 蝦仁炒得岩岩好, 晶瑩剔透唔會太熟~唯一略嫌旁邊D熟蝦唔係好夠鮮味~蟹粉豆苗大大的一盤!! 而且蟹粉都足料~ 睇下幾大塊蟹膏!豆苗都係嫩同爽甜! 唔錯~臘味煲仔飯上碟時臘味已經係分碟上, 但係同飯一齊煲的~碟臘味仲要好鬼大碟~ 有臘腸、潤腸、臘肉、臘鴨~ 非常之咁足料!唔怪之煲無飯咁香!! 甜鼓油唔夠可以自己再加~ 我仲食左兩碗飯添! 最後食左咁多蟹, 食返碗薑汁湯圓暖一暖就perfect啦!整體而言, 呢個套餐雖