財記海鮮火鍋活魚刺身 (已結業)

打邊爐，港人至愛，好少死錯人！因為依家出街食嘢，都係畀晒舖租，唔知食緊咩！呢間算貨真價實，湯底有水準，可以淥嘢食之前飲啖湯，暖吓個胃打個底，店名 highlight 刺身，又真係有水準，象拔蚌新鮮爽口，食完返屋企肚仔無事，放心！服務：姐姐們眼明手快，話頭醒尾，夠貼地，不過佢哋推介我哋三個人要中份象扒蚌就太進取，搞到食唔到其他，嘥料！順帶一提，呢度酒水定價有良心，上善如水都係貴超市少少，所以飲得安心滿足，一定有下次！