滿屋日本料理 (大埔超級城C區)

一入到門口，即刻俾眼前o既糖果櫃同朱古力噴泉吸引住眼球！真係任攞唔嬲的嗎……﹖一於一次過滿足晒細個媽媽唔俾食糖糖o既願望，拮番幾粒橡皮糖呀，棉花糖呀，淋上濃濃o既朱古力漿，有得玩有得食。

有人說，放題或者自助餐其實大都係勝在款式多，質素唔好expect 會好高；不過想講呢間d 刺身質素都幾ok，尤其係貝殼類o個d，食落特別新鮮~ 北海道帶子一昧冰滑口感，赤貝同象拔蚌充滿海水o既氣息，仲有款泰式生蝦，o係日式餐廳都比較少見。唔點魚露醋，點豉油wasabi，又係另一番滋味。

刺身

壽司手卷都唔錯，特別想推介一款吞拿魚他他，佢幾特別，有一pat 拖羅放係牛油果蓉上面，再搭上一片紙菜，口感棉滑。

1

香芒吉列蝦卷、花之戀、吞拿魚他他

醬燒三文魚壽司、火炙牛肉壽司

趁後生有quota 食多d 炸o野，我地點o左勁多炸物。一口芝士外脆內軟，吉列炸蠔同榴槤炸彈都係裡面熱辣辣，我地仲一口氣落埋鹽燒同芝麻雞翼，各有特色。

榴槤炸彈、自家製吉列炸蠔

芝麻雞翼、一口芝士、相思雙皮奶

我有個friend 超級鍾意食鯖魚，食親日本o野都叫，呢個鹽燒鯖花魚就食到佢lam lam 脷喇。而另一個friend 則叫o左碗牛肉烏冬自私食！

鹽燒鯖花魚

牛肉烏冬

飲品除o左汽水milkis 呢d 之外，仲有多款啤酒，包括我最愛o既apple cider 同另一隻日本罐裝麥酒。而最令我喜出望外o既係，呢度o既sake 竟然係免費任斟……！即刻試下佢o既梅酒，用上sake 杯，靈舍有格調，甜甜的又易入口。

芒果汁、apple cider

凍梅酒

除o左chocolate fountain 同另一個甜品櫃之外，跟人頭每人仲可以點一杯haagen-dazs 雪糕，有多個口味。

haagen-dazs 雪糕