串燒屋

营业中

休息中

串燒任食自己燒，呢間串燒屋放題，有串燒，網燒，炸物，冷盤，飲品無限量提供，任食2. 5小時，價錢仲相當相宜。雪櫃區提供多款飲品，包括烏龍茶，檸檬薏米水，洛神花茶，汽水等等，亦提供蔬菜和錫紙包食物，例如牛油粟米，蒜蓉金菇，菠蘿，沙律菜，醃蘿蔔，啫喱杯，棉花糖串等等，可以自由拿取。每枱都有1部可以自轉嘅串燒爐，串燒會自己轉動，唔使自己反來反去，仲可以網燒，真係非常方便。串燒之中，最正就係牛肋肉，牛味濃，帶少許牛脂肪，牛舌亦相當不錯，燒豆卜好有驚喜，燒完超級脆，而且有豆香，食多幾串都無問題。蒜蓉牛油面包，放係機度燒，燒成效果非常好，金黃香脆，最後一定係燒棉花糖，燒到脹卜卜，香甜結尾。網燒食物推薦羊架，大大件又厚肉，另外五花腩燒完脆卜卜，似煙肉口感，都非常滋味。燒菠蘿必食推介，又甜又多汁。炸物之中最推薦係芝心蝦丸同吉列蠔，爆芝蝦丸好好味，吉列蠔蠔味濃。蒜蓉燒蠔亦好大隻，鮮味濃。最後仲有雪糕杯任食，有雲呢拿同香芋味。同場仲有小小貓店長陪食，小貓咪可愛嗲人，活潑好動，略帶個性，所以唔建議摸貓，比佢靜靜地陪住我地食野就ok。