嘆杯貓茶

营业中

休息中

要講阿女最鐘意既動物肯定係貓，所以我地成日都食去貓貓cafe ,今日約左同為貓奴既契媽一齊去，過左一個好輕鬆既下午一入到＜嘆杯貓茶＞ 會見到兩度閘，一見到呢個設計就知店主好細心，客人出出入入以免走失貓咪。經過兩度閘，店內唔似一般cafe 佈滿餐枱，店主將椅子放起牆邊讓人可以進食，而雞奴就蓆地而坐，可以與貓打成一片。呢個設計非常好啊！讓人無拘無束地坐在地上，好似自己地方一樣，無論與朋友一邊閒坐聊天一邊逗貓，也是非常寫意。作為一間cafe, 當然有提供飲品小食，真係可以消磨一個下午。cafe 既一個角落放滿了很多玩見，有比人玩既既棋也有同貓玩既玩具，我拎左一支棒棒玩具比阿女同貓玩，阿女就瘋狂地起貓咪面前舞黎舞去，玩得不亦樂乎，時而去模模貓，看得出阿女真係好鍾意貓，耐何屋企養不得，幸好有＜嘆杯貓茶＞比佢可以同貓咪零距離接觸。