依間咖啡廳好特別，係用明信片同旅遊做主題。門口有買各種不同的明信片/貼紙/膠紙，重有個郵筒。 而室內設計都是要原木為主同藍白色，好chill。
環境真係唔錯，人客自由好高，佢地啲人唔會催你叫野，但自己就要互相尊重，要自行點野同取餐再食完記得收返啲野去收餐位！
今次試左卡邦尼意粉，Jumbo all day breakfast, 藍調， 咖啡
卡邦尼意粉本人唔太好，因為怕肥！
不過依個真係好食，忌廉比較薄身又好香，令到啲意粉好滑，唔太重味，開正我胃口呀！
jumbo all day breakfast超級早餐真係有好多野，一個人都未必食得晒。個迷你面包出奇地好食，個腸仔都好重香草未，吉列紫蕃薯餅都好有蕃薯味。其實每樣都有水準，唔似旺角個啲樓上cafe甘得個樣🙄
藍調！依個我勁推薦！真係好好飲絕非得個樣靚。
係latte，我覺得有啲椰香味好好飲，如果係鐘意椰子味會鐘意！
另外是兩位親民喵！ 你可以任摸，基本係無脾氣！ 好得意！
