醉串 (已結業)

午飯時間1點，唔洗排隊，仲有好多位。我地2個人一人叫左個午市烏冬，一個泡菜湯，一個豬骨湯。泡菜湯味道稍濃不過可以接受。豬骨湯底好似落多左幾包公仔麪味精粉咁(我諗佢唔係真係用豬骨)，鹹到食唔到，好後悔冇睇之前個個食評先入黎食。我唔想浪費，叫佢加D水俾我。點知佢成碗換俾我(多謝晒)。不過新個碗都係好鹹，好在佢放左好多豆芽同其他食物，都叫做有D野食下。我諗呢間野都係晚市食串燒為主，午市烏冬可以唔洗試。