韓珍 (帝國中心) (已結業)

今日去到尖沙咀行街，行完之後見到我就去就近搵吓有咩餐廳食晚餐，不過尖沙咀其實識嘅種類都不外乎日本餐泰國菜拉麵咩種類嘅餐廳，不過最近就聽朋友講有一間食韓國燒肉嘅係尖東附近話一定要去試，好今晚我哋就試一試呢間燒肉 餐廳名就叫做韓珍，餐廳坐嘅位置非常之歡堂，如果坐窗口邊嘅話其實可以望到出邊海景嘅景色，餐廳嘅店員出奇地不是韓國人，大部份都係尼泊爾人但係英文講得非常之好，所以為我地介紹餐牌嘅時候亦都非常之方便 今日我哋就點左一個豬牛二人set ，五花肉油香非常之充足，燒到香脆之後食落口外皮非常之脆裏面非常之多汁，豬肩燒完之後非常之香脆，入口非常之多汁有一種入口即溶嘅感覺，調味牛肋骨，調味料唔會非常之重唔會蓋過左牛本身嘅味道，燒完之後配合埋生菜包，可以減少油膩感之餘亦都令到口感非常之豐富 蛋pizza，鐵板上嘅蛋做得非常之香口可以減少成餐嘅油膩感，非常之豐富，最後再加埋雪糕作為甜品呢個晚上真係滿足