龍蝦燒 (已結業)

朋友"大壽"請食飯，一眾兄弟姐妹唯有勁叫豪食一番。因為要食到盡，除了order食店主打的龍蝦仔外，老闆介紹了當日生猛海鮮︰枇杷蝦 及 鮑魚仔，仲食左.... 聖子王、生蠔、扇貝、大蜆、貴妃蚌、燒魚、多春魚、風鱔、羊仔架、牛柳串、牛脷、蝦膠雞中翼、清酒煮蜆、雞脾菇、秀珍菇、菠蘿、香蕉.... d海鮮的確幾新鮮，而燒嘅時間都拿揑得不錯，燒完上枱嘅魚、蝦、蜆都仍然好juicy，唯一comment係蒜蓉好似太多，就算清酒煮蜆都加了好多蒜蓉一齊煮，蓋過了清酒香及蜆嘅鮮美了 燒雞脾菇及菠蘿都好好味，最好就係每食完一、兩種海鮮後，食素菜過一過口腔中蒜味。可能伙計見我地係大豪客，都十分殷勤服侍，仲叫老闆黎同我地打招呼o添