鯛魚魚湯專門店 (已結業)

开鲗鱼涌可以试吓呢间鱼汤专门店，最吸引人去嘅系＄100到就有鲍鱼、花胶、鱼肚，听落都好富贵。去之前都觉得呢个组合好似怪怪地，海味加乌冬...不过去到原来有汤饭拣，咁就叫左个鲍鱼花胶鱼汤饭，再加个吉列猪扒鱼汤乌冬。个汤饭佢会有个火炉热住，要等大约5分钟就够热可以食。个火大约10分钟到就会熄，本身我谂住keep住热好d 叫佢帮我加火啦，点知就好似煲到太少汤喇，所以可不跟番佢本身个份量，唔洗加火。 个汤饭好入味，所有鱼汤都入晒落d饭粒到，好香好好味。一煲入面已经有2只鲍鱼仔同3-4件花胶，都算几足料。$116有咁名贵gei食材都真系几抵食。另外个吉列猪扒乌冬相比之下就失色少少喇。因为个乌冬吸唔到鱼汤，就冇咁浓味，淡左少少。不过我谂系因为我食完个汤饭先会咁觉得。