麻神麻辣火鍋 (已結業)

真係未試過打邊爐食到咁飽，一個人試左個二人餐LO!!!!呢間朋友介紹的麻神，聽左好耐話好食，約極都唔齊人，唯有我自己黎算啦~~~見到餐牌太多選擇，但其實好多款野食我都想試，諗諗下我自己叫個SET好似抵D!一來可以試哂咁多款野食，二來其實價錢都差唔多!呢個2人餐超豐富，有和牛、豬、鴨血、黃喉、排骨酥、蛋餃....仲有油條同拼盤，而家仲有個甜品紫米糕!最後當然仲有成盤蔬菜啦...我都怕D人以為我顛，食咁多!講真個湯底唔錯，香麻，但食落卻無想像中辣，但個種麻係好香口~至於食物，的確係新鮮，十分欣賞個鴨血，真係好似果凍咁.....超滑，口感好特別!另外油條真係好鬼正，吸哂個湯底，食落真係超惹味!總體黎講，呢度食物、服務都唔錯，值得推介!食物多選擇，鐘意打邊爐應該會鐘意呢度~