日日香鵝肉飯店 (希慎廣場) (已結業)

去銅鑼灣誠品書店打書釘，睇睇下就覺得肚餓，去咗11樓food court食午餐，見到有我至愛嘅潮州滷水鵝店，作為潮州人嘅我，梗係要叫試吓啦。查實喺food Court有滷水食真係好少見。見佢有個套餐優惠，包一個老火靚湯、油菜、滷水鵝肉飯同飲品，都只係$98。個湯非常之正，一啲味精都冇。滷水鵝肉厚夠香滑，滷得來味道剛剛好，唔會太鹹，好有滷水香味。飲品選擇都多，要左支鴻福堂雞骨草，都唔使加錢。食飽飽有氣有力再去睇書，臨走嘅時候忍唔住落food court再外賣多一盒滷水鵝飯返屋企俾老公收工食，成為$68，老公大贊好味道。