牛魔

营业中

休息中

原本谂住早早去食华嫂，但去到见到门前已有超多人，飞号已拎到三百尾就即刻放弃，转去睇下旁边牛魔，见午餐都几吸引就入去试试。餐厅入面装潢以灰色泥水墙为主，有一大幅少女壁画，半开放式厨房，大约有60个位左右，座位宽落几好坐。食物质素唔错，分量多又丰富，两人叫左二个午餐加特饮，连埋加一每人平均$140。安格斯特选牛肉眼丼饭 $125配菜分量好多，有青瓜，豆芽，泡菜同海带汤。呢到海带汤几好饮唔油腻，饮到海带鲜味，食左几啖饭饮一啖感觉清一清咁。个饭睇落初时仲谂几细咁，但食完就觉得原来好多好饱，牛肉五成熟，烧到表面会脆脆地，唔鞋唔韧，个饭有汁唔会干。68度温泉蛋豚肉丼饭 $95个人觉得呢个比牛肉丼更好味，豚肉有7/8片，烧到香口，肉味浓，够入味，配埋个温泉蛋捞落饭到令饭更香滑。草莓梳打 凤梨梳打 各+$18两个果味好出，唔会好药水咁又唔太甜，草莓味仲会饮到肉粒，系唔错嘅选择。