已經有幾位廚師就位.
呢度既主要係刺身同鐵板燒既食物, 款式跟一般放題類似.
快速地點好, 先上既係刺身, 先來一round咩都有, 蝦好大隻好粗, 有手指咁粗, 食落好彈牙, 蝦味濃. 赤貝, 北寄貝亦都好鮮味.
油甘魚, 三文魚, 吞拿魚等魚脂豐富, 肉質夠嫩, 仲有帶子鮮甜.
輪到主打既鐵板燒, 鰻魚即燒即上, 熱辣辣既, 燒至微微焦香, 配上鰻魚汁甜甜地, 鰻魚好肥美, 啖啖肉無骨的.
蔥花牛肉, 係牛肉包住D蔥煎香, 口感特別清新.
仲有鹽燒口舌, 唔韌好爽口, 味道濃香, 厚薄得宜, 唔錯.
燒帶子, 帶子燒至微焦, 大大粒好爽口.
燒雞脾蘑同翠肉瓜, 好多汁好juicy, 加左少少鹽黎燒好惹味.
呢個天婦羅蝦都唔弱, 係即炸所以外皮好脆口, 皮薄餡新鮮, 唔油膩.
清酒煮蜆. 蜆肉唔算多, 不過可以再叫, 無所謂吧, 個湯都好鮮甜.
前菜都有幾款, 份量足好開胃.
最後當然係食雪糕, 呢度有haagendazs, 任拎唔洗配給, 不過好飽所以祗食了一杯.
