Le Viet

营业中

休息中

我每個香港人都好期待可以搭飛機去旅行食好西嘅日子，長時間逗留喺香港，唔多唔少都會掛住異國嘅美食！我都唔例外，今日特別想食越南菜！早排辦年貨買新衫嘅時候咁啱見到呢間越南菜，大概已經有一年冇食過，可以回味一番！餐牌嘅食物五花八門，令人每樣都想食！最後揀咗以下幾款美食😋咖喱牛腩撈檬粉色彩斑斕嘅大碗裝住咖喱牛腩撈檬粉，視覺上非常之吸引，令人胃口大開！而且咖喱香濃，香味撲鼻，忍唔住要食啦！首先將咖喱牛腩檬粉攪拌均勻，每一根檬粉都沾滿左咖喱牛腩汁，而且非常之入味！加牛腩炆得軟腍入味，椰香味香濃，而且牛腩份量唔少！值得一提嘅係裏面仲有洋蔥燈籠椒等蔬果，令到咖喱層次更突出，多重口感！沙嗲串燒 半打牛肉、豬肉、雞肉，每樣各兩串！串串燒即叫即燒，新鮮得來份外野味，每一串肉串都啖啖肉，每一啖都好滿足！我特別鍾意沙嗲牛肉串，總覺得牛肉味特別香！越式小食拼盤有齊春卷、粉皮包、炸蝦餅、扎肉、豬頸肉嘅一個越式小食拼盤，滿足到鍾意試唔同食物嘅人！春卷皮薄又香脆，裏面包着肉碎同蔬菜絲，口感豐富之餘，未有一點油膩感。喜歡！另外仲飲埋杯紅豆冰，少甜，甜到剛剛好， 紅豆軟硬適中，配埋椰汁冰一齊飲，一杯非常之香濃嘅紅豆冰，滿足