一豆花

营业中

休息中

朋友介紹有間豆腐花嘅豆腐好滑，襯湊亞女放學前過去食番碗先。去到鋪頭一早就見好多人黎幫襯，試個冰糖豆腐花嫩滑仲好有豆香味，仲係8蚊一碗，係果區黎講真係好平，我仲買左幾碗返去食添🤣豆腐花都幾多款式仲一律8蚊添薏米白果豆腐花Lee個配搭真係唔錯，薏米甜甜地又夠淋，都幾有咬口。桂花冰糖豆腐花亞女喜歡，有陣陣桂花香味。薑汁豆腐花紅豆沙豆腐花綠豆沙豆腐花黑芝麻豆腐花亞女喜歡紅豆沙所以叫多碗陳皮白果紅豆沙，紅豆沙好融，而且紅豆好大粒又好淋添。豆漿有4款口味，無糖豆漿、低糖豆漿、薏米豆漿同燕麥豆漿，3款都不會太甜好岩小朋友飲。老公話無糖豆漿，好健康又豆味濃郁，佢成枝飲哂，低糖豆漿甜度岩岩好比小公主飲哂，我就飲薏米豆漿，勁多薏米又飽肚，燕麥豆漿最岩當早餐。