稚內日式創作料理居酒屋 (已結業)

阿猪唔识饮酒就系人都知架啦！朋友相约酒巴街，话食餐饭都吓左我一跳。估唔到系一间隐藏系酒巴街既日式居酒屋。入到去餐厅唔大，但菜式唔少，我地几个又唔知食咩好。店员服务态度好好，会问一问我地，又提供意思推介菜式。最后阿猪一行三人另外叫左d寿司、烧赤虾、烧猪仔脾、炒什菜、炒饭。蟹膏军舰，推介！松叶蟹蟹膏十分Creamy，唔同一般蟹膏佢一d都唔腥，入口蟹膏香浓好突出。下次一定要再食芥辣八爪鱼军舰，调味唔错。火炙左口鱼边黑松露寿司，口感好好，阿猪俾佢surprise到，推介！左口鱼鱼肉较结实，鱼油足，师父将佢薄切做寿司，入口浓郁甘香好鲜味。香烧猪仔脾，腌得好入味，咸香为主，烧得有点干，阿猪觉得净系点少少酱可以令佢更加惹野，ok。烧赤虾好大只，用海盐烧，虾肉较实干身，咬落有口感，唔错。鳗鱼炒饭卖相好靓，入面既鳗鱼块、珍珠米、日式酱油炒得好均匀，鳗鱼粒都多，好香口，推介！蟹粉炒什菜 阿猪觉得叫什菜好特别，因为佢系指瓜类，翠玉瓜同茄子，蟹粉味浓，加上高汤勾茨，入口绵滑清甜，唔错！阿猪觉得个配搭翠玉瓜爽口，茄子淋身，可以考虑用其他配搭，如加添几种菇类。呢餐诚意服务，高质食品，值得再回味！