德國廚房 (已結業)

天氣真係太熱，入到餐廳第一件事即刻叫杯冰凍啤酒先，呢一間餐廳嘅啤酒非常夠凍，最勁就係連佢隻杯都係說到冰咁樣，一拎到過嚟直情係有一層薄薄嘅霧氣喺隻杯外面，見到都透心涼，幅相都仲見到少少霧氣。唔知道究竟係心理作用定係點樣，就係覺得德國嘅啤酒畀其他地方嘅好飲，就以呢一杯德國小麥draft beer為例，小麥味夠香夠出，入口完全唔會覺得苦苦澀澀，有一種好天然嘅感覺，唔會有一啲化學劑嘅味道。齋飲點得呢，所以就嗌咗個洋蔥圈餸酒，炸洋蔥圈啲粉比較充實，唔知平時食到入面好多空氣嗰種洋蔥圈。