甜入心

睇到九龍灣有糖水店開張，公司又近近地，一於去試下！
我點咗個「天荒地老榴槤摩天輪」，嗌個陣都有啲唔好意思，估唔到個名咁GAG。

本身都食問榴槤，遞上枱時已嗅到超香嘅榴槤香味，正！好彩隔離冇人，臭唔到佢！
頂層係一啲冰粒，中層係軟綿嘅熟榴槤果肉，底層係用榴槤果肉同冰打碎後嘅榴槤沙冰。

頭兩層可以一齊食，令硬身又嚼勁嘅冰粒同軟綿果肉增加口感層次，而果肉嘅香味會慢慢散發出嚟，果肉香味超濃郁。

而底層榴槤沙冰充滿冰凍口感之外，同時榴槤香味同樣保留，解暑之餘又滿足到食慾！