值得一讚既係食物選擇都幾多 燒物、刺身、壽司、熟食、炸身及甜品等等應有盡有 點餐紙由英文字母A排到J
今次叫左個期間限定既「日本和牛壽喜燒」 黎試試 都幾驚喜 牛肉既份量好多 一d都唔孤寒 而且牛肉既質素唔錯 下次黎食都會再嗌
另外刺身同熟食既水準都唔錯 尤其係刺身 色水好靚夠新鮮 推介泰國生蝦刺身、三文魚刺身同埋希靈魚刺身 我地嗌左幾轉添呀！
燒羊架亦都唔錯 好入味好香孜然味 而且燒到岩岩好 唔會太生 同時肉質仍能夠保持juicy味美
而佢地既服務亦係非常之抵讚 店員好主動咁問我地d食物到齊晒未 需唔需要幫我地跟進 呢d真係加分位黎ga!
3
1
1
