喺附近搵搵有冇新餐廳可以試食，就見到呢間夠晒新嘅新記，相信本身經營者公司係由雞粥作招牌，早餐時段除咗招牌嘅港式外，仲有粥類早餐可以選擇。
環境方面裝修新淨企理，拉開櫃桶發現裏面嘅餐具 都仲係濕立立😅 店內員工短髮姐姐屬於熱情好客嘅一種，對客態度有禮貌，亦能夠關注到客人需要。 失色之處係全店員工鍾意一對手套走天涯，同埋喺客身邊咳嘅時候冇遮口遮鼻。
艇仔粥 - 算係足料，粥底味道、濃稠程度恰好，但實在沒有太大特別賣點；最大嘅扣分位係塊豬皮唔記得咗安排做脫毛手術，唔想擺落口😅
豉油王炒麵 - 麵質、炒出嚟嘅軟硬度較一般粥店出色，但實在太鹹，就算加甜醬去混和都唔太幫到整體味道。
熱奶茶 - 茶底夠厚，但帶有過老嘅苦澀味道，落奶份量唔夠。
2
2
4
5
