我地一行9人,book 左間房,個度環境都幾ok, D service 又好。
講下d野食先:
前菜係溏心的皮蛋酸瓜, 超正,好醒胃,我本身唔係好食酸野,但係都覺得好味。
冬瓜盅 - 水準之作, 飲唔到味精~~
陳皮骨 - 依個係心水推介, 唔酸, 又炸都脆, 肉又嫩, 必食呀!!
西蘭花炒班球 - 都唔錯, 唔會太油
蝦子扣柚皮 - 我第一次食依個餸, 覺得個質感幾得意, 好味~
煎焗雞 - 煎得好香, D 肉都仲好juicy~~
焗魚腸 - 我好怕腥味, 如果唔係朋友想食本來都冇諗住叫, 點知依度整得一D 腥味都冇, 好彩有叫到咋~~
南乳焗桶蠔 - 另一心水推介, 夠惹味, 超正!!!
腿茸蛋白浸時蔬 - good~
名門炒飯 - 一定要食!!
甜品 : 杞子桂花糕 , 蛋白杏仁露 - 杏仁露好香, 桂花糕唔太甜~~
每人大概$240, 物有所值~~
