今日咁啱經過，見到竟然有抗疫優惠，四十大元就有一個主菜連飲品！又試試佢四十元午餐係咩質素
由落單到拎到外賣，好幾個員工都不忘同我講多謝😭😭 而我只係買咗一個超平價午餐🥺 真係有點不好意思受不起
好特別嘅膠刀！咪睇個飯盒好似平平無奇⋯一食無限感動😭😭
牛扒一d都唔薄，大塊肉厚又兩邊都煎到個色好靚～ 筋位都好食好香！意粉唔會過熟，焗住喺盒拎到返屋企都唔會淋晒！
配菜咪睇佢只係椰菜，係同煙肉一齊炒過嘅椰菜，好香😭😭😭
個汁除咗食到有大細粒口感嘅黑椒，仲有洋蔥蕃茄蒜蓉全部都食得出唔係一pat嘅hea汁
40蚊，完全冇將價就貨⋯抵食到癲！
真係愈食愈感動，細節嘅注重呀！！！食得出、感受到！！！😭😭😭😭😭
