田記魚蛋牛腩專門店 (塘尾道)

营业中

休息中

在香港，都去過不同港式粉麵的餐廳。而呢間食完我必定會回頭的-田記魚蛋牛腩專門店。今次同朋友初次黎到，由於晚上下大雨關係，店來食客不多，我們也不用排隊，直接進了店。店內多是圓桌，店內光線很充足，每桌上的餐具和辣椒油等調味料也是放得很整齊。未坐下，都看到店舖很整潔。除了桌上有餐牌外，牆上都有張貼了餐牌。黎到粉麵店。當然要叫店內招牌推薦食物-崩沙牛腩河同埋金牌牛腩米。朋友和我都很喜歡吃牛，這兩碗牛腩都很好吃，肥瘦適中，不同之處就是崩沙腩會比較嫩口，咬落去啖啖牛腩香味。無論是粉麵份量，還是牛腩的數量都算多，以這個價錢食，真心抵食。放工個人特別的餓，所以叫多碗鮮蝦雲吞米線。雲吞真系比到意想不到的驚喜我，大大粒的蝦肉，混合埋豬肉，皮薄餡靚，好新鮮。叫碗粉麵，仲可加錢追加小菜/小食。今次就叫左份通菜，通菜系用牛腩汁去烚，最後加上腐乳，令成碟菜都變得好好食。另外，炸魚皮脆而香口，份量多。飲品方面，加6$就可以有野飲了。呢間凍檸茶用新鮮檸檬去整，而且又大杯。我朋友經常食粉麵，都大讚呢間系必定會回頭再幫襯的一間粉麵店。而我，下次當然會再黎喇！中意食粉麵的朋友仔，萬萬不可錯過啊！