影片
更多
2019-03-06
1892 浏览
啲人成日话食烧鹅去深井啦，宜家除咗去深井，食烧鹅梗系要去长沙湾新式烧腊餐厅-最掂烧味啦！呢间餐厅荣获2017年马家开饭推荐烧腊餐厅之一，之前有个朋友知道我钟意食烧鹅，叫我过嚟试下。餐厅装修有别于一般传统烧味店，装修富有中国色彩，门面已经用咗红色，好sharp醒，离远已经见到。店面干净又整齐。咁多款烧味都唔知拣边款，如果大家想试多几款唔同款式，其实可以拣例牌嘅个皇牌烧味双拼又或者皇牌最掂烧味三式拼盘，当然如果想抵食啲都可以拣碟头饭餐，可以点个豪华版烧宝饭，试到烧鹅、怀旧腩叉、烧腩仔同埋豉油鸡，实行一次过满足4个愿望。不过，我只系钟情于食烧鹅，所以拣左个烧鹅例牌，下庄比上庄只系多$20咋，识食嘅梗系拣下庄啦，烧鹅皮脆肉嫩，虽然系下庄，但唔会话过肥，再点埋秘制烧鹅汁真系一绝呀，好食到唔停得口！食叉烧一定要食半肥瘦，于是朋友点咗碟怀旧肥腩叉饭，肥瘦适中，叉烧烧得好香，蜜汁味又足够，听老板讲佢哋嘅叉烧系选取优质脢头，用新鲜木瓜蓉腌制，而且唔会用松肉粉，完全用木瓜去天然发酵，所以肉质会特别松软，果真如此！！跟餐仲送埋例汤，佢哋嘅汤系十全十美嘅健康素汤，虽然系素，但系唔会话好淡，材料充足，味道甜甜哋
啲人成日话食烧鹅去深井啦，宜家除咗去深井，食烧鹅梗系要去长沙湾新式烧腊餐厅-最掂烧味啦！呢间餐厅荣获2017年马家开饭推荐烧腊餐厅之一，之前有个朋友知道我钟意食烧鹅，叫我过嚟试下。
餐厅装修有别于一般传统烧味店，装修富有中国色彩，门面已经用咗红色，好sharp醒，离远已经见到。店面干净又整齐。
咁多款烧味都唔知拣边款，如果大家想试多几款唔同款式，其实可以拣例牌嘅个皇牌烧味双拼又或者皇牌最掂烧味三式拼盘，当然如果想抵食啲都可以拣碟头饭餐，可以点个豪华版烧宝饭，试到烧鹅、怀旧腩叉、烧腩仔同埋豉油鸡，实行一次过满足4个愿望。
烧鹅下庄
$128
30 浏览
0 赞好
0 留言
不过，我只系钟情于食烧鹅，所以拣左个烧鹅例牌，下庄比上庄只系多$20咋，识食嘅梗系拣下庄啦，烧鹅皮脆肉嫩，虽然系下庄，但唔会话过肥，再点埋秘制烧鹅汁真系一绝呀，好食到唔停得口！
怀旧肥腩叉饭
$50
75 浏览
1 赞好
0 留言
食叉烧一定要食半肥瘦，于是朋友点咗碟怀旧肥腩叉饭，肥瘦适中，叉烧烧得好香，蜜汁味又足够，听老板讲佢哋嘅叉烧系选取优质脢头，用新鲜木瓜蓉腌制，而且唔会用松肉粉，完全用木瓜去天然发酵，所以肉质会特别松软，果真如此！！
十全十美嘅健康素汤
22 浏览
0 赞好
0 留言
跟餐仲送埋例汤，佢哋嘅汤系十全十美嘅健康素汤，虽然系素，但系唔会话好淡，材料充足，味道甜甜哋，相当清新又健康啊！
五香牛腱
$24
31 浏览
2 赞好
0 留言
另外，我哋仲点咗个小食五香牛腱，味道都唔错，不过如果可以再入味啲就更加正！
虽然呢间烧味店舖细细，但伦装修同埋食物质素，绝对唔会比大酒楼输蚀，大家都不妨嚟试吓啦！
张贴
