鼎泰豐

营业中

休息中

台湾鼎泰丰就食得多，香港确实少食。咁岩朋友生日，就去果到庆祝。听闻都多人等位，眼见都有旅行团入去食，我地都等左30mins。Menu 有唔同语言，英文，中文，日文，韩文都有，讲真都几多选择，同台湾主店差不多。将炸酱，猪肉粒捞埋一齐食，有别于香港嘅炸酱面，面烟韧。炸排骨即系香港人讲嘅猪扒，已经碎上盖喺蛋炒饭上，方便进食。猪扒好淋，炒饭金黄干身。今次叫左最原始嘅小笼包，皮薄，要小心咁夹起，食落去都爆左d汤汁出黎。酸酸辣辣，都几开胃，材料有肉丝，木耳，豆腐。外表有d似锅贴，煎得好香口，入面虾肉加埋小小高汤，唔错。因为冇买cake，就叫左迷你寿包贺寿，细细个一啖食哂，当甜品唔错。