金田家 (已結業)

琴日去過元朗分店都算幾好食，今日返母校發現原來呢度都開咗一間金田家，所以就揀咗佢。今次同同學嚟食，我推介佢食激辛拉麵，因為上次自己食過都唔錯，佢啲辣好似會令人上癮咁，愈食愈想食，愈食愈開胃。我自己今次就試新嘢，叫咗一個辛子黑蒜拉麵。平時食開黑蒜油，味道都好得我歡心，帶有少少甜味，但係呢個麵會有好輕微嘅辛辣，辛辣味來自濃濃嘅蒜頭，雖然係咁但唔會搶走湯底嘅味道，豬骨湯底做到好濃厚好creamy，從相片中都可以睇到個湯底變到奶白色。溏心蛋一貫地好食。不過當日好唔好彩，諗住叫啲炸物食但係師傅話炸爐壞咗，唯有下次去食先再試喇。不過呢度啱啱新開張，所以好乾淨企理，所以搶頭啖湯是必須的，襯個裝修仲未變殘前來享受拉麵！原來金田家係九州第一拉麵，咁又值得一試喎。