影片
更多
2018-07-23
1138 浏览
朋友生日話想食雞煲又想打邊爐，一行9人就去訂倫哥。當晚去到有張大圓枱，兩個爐唔駛爭。餐廳光猛，唔迫，夠冷氣。平日$318位，星期五六日，假期及假期前夕每位加$10，仲有加一。餐廳食物有自己次序，店員會講邊啲係任食，邊啲唔係。先黎個小食，有麻辣木耳，麻辣豆角，辣一辣條脷為雞煲做準備。雞煲。可以任食。我地叫咗一個BB辣，一個小辣。分別唔大，同樣有香葉味，但小辣比較惹味。煲內算多肉，唔會食來食去都係骨。魚生有三文魚，北寄貝，八爪魚，帶子，蝦。都算新鮮但唔算頂級。猴頭菇燉雞湯。好夠熱，味道不錯。到打邊爐喇。店員準備火鍋需時，我地等咗一陣先有得食，大家可以早啲叫加快個節奏。水果鍋底清甜，有木瓜，西瓜，粟米。手切肥牛。每人分到3，4塊，肉味未見突出。海鮮拼盤。算多嘢食。鮑魚彈牙，貴妃蚌鮮味，魚肉平平，但蟶子有沙，蝦有啲霉，帶子無味。另外有任食項目，有雜菜雜丸雜餃同魚皮響鈴。不過不失。我地問可唔可以淨encore菜肉餃，店員話咁樣叫會耐啲到，建議我地叫雜餃。值得一讚係黑白墨魚滑彈牙足料，好味。最後有燕窩燉奶，香滑夠味，驚喜之作。我地無留意倫哥只收現金。到埋單時有半枱人已經走咗，其他人唔夠現金要去㩒機
當晚去到有張大圓枱，兩個爐唔駛爭。餐廳光猛，唔迫，夠冷氣。平日$318位，星期五六日，假期及假期前夕每位加$10，仲有加一。餐廳食物有自己次序，店員會講邊啲係任食，邊啲唔係。
先黎個小食，有麻辣木耳，麻辣豆角，辣一辣條脷為雞煲做準備。
雞煲。可以任食。我地叫咗一個BB辣，一個小辣。分別唔大，同樣有香葉味，但小辣比較惹味。煲內算多肉，唔會食來食去都係骨。
魚生有三文魚，北寄貝，八爪魚，帶子，蝦。都算新鮮但唔算頂級。
猴頭菇燉雞湯。好夠熱，味道不錯。
到打邊爐喇。店員準備火鍋需時，我地等咗一陣先有得食，大家可以早啲叫加快個節奏。水果鍋底清甜，有木瓜，西瓜，粟米。
手切肥牛。每人分到3，4塊，肉味未見突出。
海鮮拼盤。算多嘢食。鮑魚彈牙，貴妃蚌鮮味，魚肉平平，但蟶子有沙，蝦有啲霉，帶子無味。
另外有任食項目，有雜菜雜丸雜餃同魚皮響鈴。不過不失。我地問可唔可以淨encore菜肉餃，店員話咁樣叫會耐啲到，建議我地叫雜餃。值得一讚係黑白墨魚滑彈牙足料，好味。
最後有燕窩燉奶，香滑夠味，驚喜之作。
我地無留意倫哥只收現金。到埋單時有半枱人已經走咗，其他人唔夠現金要去㩒機。大家唔好同我地一樣咁豬呀～
總結係，食物任食又多元化，汽水任飲，無限時係佢嘅優點，好啱一班人去食。如果你著重食物質素就去逐碟叫嘅餐廳喇。
张贴
