木戶

营业中

休息中

一個星期前電話訂枱訂7:30pm，對話過程中無話過有問題，點知到飯局前一日就打電話嚟話佢哋係分時段，要8:15pm先有枱，問佢點解訂枱嗰陣唔講，佢就話接電話個同事唔知喎，你信唔信吖？緊係因為生意好先調我去夜啲啦！去到飯局當日，3個人就得bar枱，無普通枱，問佢點解訂㭘嗰陣時唔問清楚坐bar枱有無問題，佢哋就話坐普通枱係要特別request㗎喎！我第一次嚟，你唔問，我又點知你有bar㭘呀？咁係咪第一次嚟就要俾你恰呢？一心諗住同姐姐慶祝生日，真係有啲掃興。其實有個哥哥嘅服務態度都好好嘅！不過整體印象就一般，嘢食亦都唔係話好好食、好特別囉！