影片
更多
2009-06-20
12 浏览
今日早放工, 終於有機會試下添好運, 我地7:45pm去到, 一如以往又係已經有堆人等緊, 今日有時間, 即管一齊等, 我地前面有大概有10張檯等緊, 其實條路又窄, 路邊冷氣又滴水, 條路又多人經過, 少d意志都會放棄, 等緊期間, 望入鋪內, 見d客同員工都"絲絲然", (正常呢類食肆, 應該員工會快手快腳, 你1坐底就兇住要你即刻落order, 轉個頭就放底你要既食物, 你食完放低筷子d員工就黎執你檯叫定出面準備入幾多位, 誓要最短時間回到檯), 但望入去, 呢度完全唔係果種氣氛, 唔知以為d客真係o係四季嘆緊茶, 心諗 :好心你地食快d啦, 明知出面成堆人等緊, 我真係好肚餓呀~ 等左30mins, 終於放我地入去喇~ (期間應該有3-4堆人放棄左, 如果唔係仲要等耐d)其實排隊時我地已諗好食乜(已綜合埋大家食評既推介), 一坐低梗係想即刻落單, 點知員工們都各自各忙, 冇人理我地.當時有樓面3-4位員工, 1個收銀+電腦入單, 其餘都係斟茶遞食物, 值得一讚係一坐低就有問你飲咩茶, 普洱or壽眉? 真係冇諗過有得揀~ 都攪左一輪終於睇住收銀姐姐成功幫我地入左單, 等緊食又周
等緊期間, 望入鋪內, 見d客同員工都"絲絲然", (正常呢類食肆, 應該員工會快手快腳, 你1坐底就兇住要你即刻落order, 轉個頭就放底你要既食物, 你食完放低筷子d員工就黎執你檯叫定出面準備入幾多位, 誓要最短時間回到檯), 但望入去, 呢度完全唔係果種氣氛, 唔知以為d客真係o係四季嘆緊茶, 心諗 :好心你地食快d啦, 明知出面成堆人等緊, 我真係好肚餓呀~
等左30mins, 終於放我地入去喇~ (期間應該有3-4堆人放棄左, 如果唔係仲要等耐d)
其實排隊時我地已諗好食乜(已綜合埋大家食評既推介), 一坐低梗係想即刻落單, 點知員工們都各自各忙, 冇人理我地.
當時有樓面3-4位員工, 1個收銀+電腦入單, 其餘都係斟茶遞食物, 值得一讚係一坐低就有問你飲咩茶, 普洱or壽眉? 真係冇諗過有得揀~ 都攪左一輪終於睇住收銀姐姐成功幫我地入左單, 等緊食又周圍望下, 點解附近d人食飽仲唔走既??? 原來佢地檯檯都等緊"酥皮焗叉燒包"!!!
等左幾分鐘, 我地有野食喇~ 我地只order左5樣野 (因為要留肚出去再食), 依出場次序有:
1)莧菜餃>好普通, 同街坊酒樓比沒大分別
2)馬拉糕>好食, 好香旦同糖既味, 一定要食
3)牛肉球>同莧菜餃一樣, 非常普通, 同街坊酒樓比沒大分別
4)鮮蝦腸粉>唔錯, 好滑, 係細條d姐
5)請睇埋下段~
可能即叫即做關係, 上菜時間平均每個要隔5分鐘, 我地食野又快, 所以兩野就食完唯有嘆下茶等下個點心到~期間員工不斷問你須唔須要加茶(出符意料既細心周到), 但煩在佢加一次. 你就要答佢你飲緊既係普洱or壽眉一次, 佢總共斟左5-6次比我, 我就要答足佢咁多次(提議開茶時用唔同既茶杯區別普洱定壽眉, 員工加茶時咪唔駛次次問lor).
講左咁耐主角酥皮焗叉燒包仲未出場, 其實食到25mins既時候已經食完鮮蝦腸粉, 只等食埋叉燒包就走得, 我留意到同我差唔到入座既客呢個時候大家都係呆等緊叉燒包... 我終於明白呢度點解成日排長籠, 原來大家都係為左叉燒包, 由落單計大概35-40mins酥皮焗叉燒包終於到喇.
5)酥皮焗叉燒包: 真係特別, 值得一試, (不過怕肥肉同怕甜既朋友就要考慮一下)
即叫即做係好事, 但真係睇唔過眼, 覺得有d位大家係冤枉等, 提提大家真係要好得閒/好有耐性先好去試, 同埋如果你一心只係去食叉燒包, 你要考慮埋你中途果35-40mins點過好. 不過總括係抵食既, 如果唔係排成咁, 佢食確係1個食點心既選擇.
张贴