築間幸福鍋物

築間幸福鍋物係台灣風味嘅火鍋舖。呢度有好多款高質素嘅火鍋套餐揀，包括牛肉、海鮮、豬肉、雞肉同羊肉等。我哋揀咗日本A 5和牛套餐，湯底係爆炒龍蝦湯。另外我哋都叫咗特選三文魚套餐，湯底係台式麻辣奶香湯。日本A 5和牛肉片質地鮮嫩多汁，帶有濃厚嘅牛肉味道。特選三文魚套餐搭配台式麻辣奶香湯底絕對係一個唔錯嘅選擇，三文魚色澤鮮豔，味道鮮美，份量十足。套餐包湯底＋主食＋33款蔬菜自助吧，食飽100分鐘，但未到90分鐘，已經飽得滿足。餐廳環境明亮寬敞，座位舒適，服務員多而有禮貌。位置喺旺角熱鬧嘅地方，交通方便，絕對係值得再去一次。呢間火鍋品牌係台灣一年賣出900萬鍋，喺香港開咗海外第一間分店。平日午市套餐包主餐＋自助吧任食100分鐘最低$88，都幾抵食，下次試下。