更多
2021-03-31
298 浏览
今日过咗嚟观塘嘅一间西餐厅食晚饭～Set Dinner $278Appetiser: Semi Antipasto小食拼盘有意大利巴马火腿、鸡翼、牛肉薄片、香草蕃茄、发达芝士、红甜椒同埋希腊水榄，所有食物都系一人份～鸡翼炸得好脆。发达芝士虽然细细粒，但系食到好浓郁嘅奶香味。Soup: Daily Soup今日供应嘅系蕃茄汤。蕃茄汤偏杰身，味道浓郁，仲食到绞碎左嘅蕃茄粒。Muffins Set仲跟咗两个肉桂味muffins。送过嚟𠮶阵热辣辣，已经闻到好香肉桂味。表面香脆，内里仲有提子干，系一个好好嘅配搭！Main Course: Grilled Australian Moisture Pork Rib Loin 猪鞍扒面上有烤过嘅坑纹，卖相非常好。猪鞍扒好厚，好大旧，食落啖啖肉。啲肉都几滑，唔会好柴。猪鞍扒仲配有苹果无花果酱，非常特别。底层会有羽衣甘蓝，佢会沾咗少少猪鞍扒油，都几好味。隔离仲有两粒薯仔，都烤得几脆！Dessert: Daily Special Dessert是日甜品系两个小蛋糕。蛋糕白雪雪，四四方方。Mousse 几滑，面头仲有白朱古力碎。旁边仲配有士多啤梨同蓝莓水果～L
Set Dinner $278
Appetiser: Semi Antipasto
小食拼盘有意大利巴马火腿、鸡翼、牛肉薄片、香草蕃茄、发达芝士、红甜椒同埋希腊水榄，所有食物都系一人份～鸡翼炸得好脆。发达芝士虽然细细粒，但系食到好浓郁嘅奶香味。
Soup: Daily Soup
今日供应嘅系蕃茄汤。蕃茄汤偏杰身，味道浓郁，仲食到绞碎左嘅蕃茄粒。
Muffins
Set仲跟咗两个肉桂味muffins。送过嚟𠮶阵热辣辣，已经闻到好香肉桂味。表面香脆，内里仲有提子干，系一个好好嘅配搭！
Main Course: Grilled Australian Moisture Pork Rib Loin
猪鞍扒面上有烤过嘅坑纹，卖相非常好。猪鞍扒好厚，好大旧，食落啖啖肉。啲肉都几滑，唔会好柴。猪鞍扒仲配有苹果无花果酱，非常特别。底层会有羽衣甘蓝，佢会沾咗少少猪鞍扒油，都几好味。隔离仲有两粒薯仔，都烤得几脆！
Dessert: Daily Special Dessert
是日甜品系两个小蛋糕。蛋糕白雪雪，四四方方。Mousse 几滑，面头仲有白朱古力碎。旁边仲配有士多啤梨同蓝莓水果～
Lemon Tea
我哋仲饮咗热柠檬茶。清清地，可以解下腻～
Australian M6-7 Wagyu Topside Steak (10 oz) $168
除咗猪鞍扒，我哋仲叫咗个澳洲和牛牛臀肉，5成熟。和牛都几厚，切开咗真系件件粉红色。和牛肉味浓，肉质软淋。烧汁好特别，系我未食过嘅味道！除咗牛扒，仲有一篮薯条。薯条份量好多，连皮幼切，炸得非常脆，点埋茄汁一齐食一流！
张贴