更多
2020-02-19
2375 浏览
呢次系我第二次嚟板神食铁板烧，之前圣诞食咗个一千蚊有找嘅二人铁板烧套餐，性价比劲高(节日价㖞)，仲记得只鲍鱼郁下郁下添！有见及此，今次再嚟食，我就嗌另一个餐试下😜。餐厅设有多个包箱，私隐度高，无论情侣定一班人都好适合，而且更可以近距离望住师傅喺你面前煮，大饱口福眼福😆。由于朋友唔食鹅肝，所以我哋一人叫咗一份铁板一人前($880/1位)，另收加一！价钱唔平啊，无我之前食个餐咁抵，但食材唔同嘅🤭。前菜嘅腌渍有牛蒡、萝卜同用红酒酿嘅荞头！最尾𠮶款第一次食，无平日嘅荞头咁浓味，我本身仲以为系洋葱添...🙊，问返个师傅先知究竟。时令沙律🥗，沙律菜上淋上柚子醋同搭配红腰豆，味道正正常常啦，但我自己唔钟意红腰豆☹️。主角出场喇，就系活龙虾同银鳕鱼。龙虾真系超生猛，仲不断反抗！龙虾应该系㓥咗无耐，所以当佢被放喺铁板上烧嘅时候，啲脚都仲郁紧🙈。我哋见住师傅将只龙虾由生煎到熟，再拆肉。拆肉后会切开一粒粒，并用上龙虾嘅膏同牛油煮，闻到超香😌。当上碟嘅时候，佢嘅造型已经唔系一只龙虾😂。龙虾肉超爽超弹牙，个汁好香浓、惹味，如果有碗白饭就正，哈哈。龙虾够哂大只，所以有好多肉，唔会唔够喉。跟住就系🐟银鳕鱼，鱼肉好滑，
呢次系我第二次嚟板神食铁板烧，之前圣诞食咗个一千蚊有找嘅二人铁板烧套餐，性价比劲高(节日价㖞)，仲记得只鲍鱼郁下郁下添！有见及此，今次再嚟食，我就嗌另一个餐试下😜。
餐厅设有多个包箱，私隐度高，无论情侣定一班人都好适合，而且更可以近距离望住师傅喺你面前煮，大饱口福眼福😆。
由于朋友唔食鹅肝，所以我哋一人叫咗一份铁板一人前($880/1位)，另收加一！价钱唔平啊，无我之前食个餐咁抵，但食材唔同嘅🤭。
前菜嘅腌渍有牛蒡、萝卜同用红酒酿嘅荞头！最尾𠮶款第一次食，无平日嘅荞头咁浓味，我本身仲以为系洋葱添...🙊，问返个师傅先知究竟。
时令沙律🥗，沙律菜上淋上柚子醋同搭配红腰豆，味道正正常常啦，但我自己唔钟意红腰豆☹️。
主角出场喇，就系活龙虾同银鳕鱼。龙虾真系超生猛，仲不断反抗！
龙虾应该系㓥咗无耐，所以当佢被放喺铁板上烧嘅时候，啲脚都仲郁紧🙈。我哋见住师傅将只龙虾由生煎到熟，再拆肉。
拆肉后会切开一粒粒，并用上龙虾嘅膏同牛油煮，闻到超香😌。
当上碟嘅时候，佢嘅造型已经唔系一只龙虾😂。龙虾肉超爽超弹牙，个汁好香浓、惹味，如果有碗白饭就正，哈哈。龙虾够哂大只，所以有好多肉，唔会唔够喉。
跟住就系🐟银鳕鱼，鱼肉好滑，油份好充足，都几好食啊，但煎完觉得好似细件过未煮熟前咁。伴碟有条露笋、冬菇同红椒。
A5日本宫崎和牛薄烧(2卷)，两片薄和牛片好大块，脂肪分布劲靓。我喺到谂如果块牛肉有五至六片咁厚，变成牛扒，煎嚟食就不得了🤤。
师傅有问我哋要几成熟，我哋都系要五成，所以其实好快就食得，牛肉入面夹杂大量蒜片同葱。我相信我只会喺呢个时间食葱😅。
和牛薄烧完成✅，放咗喺片面包上面。师傅提我哋面包系用嚟索油，叫我哋唔好食，哈哈。和牛入口即化，好鬼多汁，好正。
和牛炒饭，呢个系紧接住和牛薄烧嘅下一道菜，见住师傅落咗好多葱同蔬菜粒去炒饭🥕。
炒饭个碗仔虽然唔大，但个量其实都唔少。🍚饭粒炒得够干身，味道都ok，但就无乜和牛粒...。
最后就系个汤🥣，煮返熟个龙虾头，有少许肉同膏食。不过个汤就无咩虾味，系普通面豉汤，应该纯粹系用热汤浸住个虾头咁解。
食完咸食，就到甜品喇！首先出场嘅系焦糖多士🍞拼绿茶蕨饼，多士甜甜的、薄薄的唔错，但如果脆啲会更正。至于蕨饼嘅口感同平日唔同，比较似啫喱，唔系好烟韧𠮶种。
雪糕🍨有六种口味拣，我哋拣咗抹茶味同芝麻味，两者都几浓。
呢一餐好丰富，加上菜式慢慢逐一咁上，我食完饱哂；不过大食嘅男仔就可能争少少🤣。
店员服务好好，好有礼貌，期间不停为我哋加茶🍵。而且我仲发现茶由一开始嘅绿茶，喺某道菜之后变成培茶，帮助解腻，劲细心👍。另外，埋单时店员问我哋啱唔啱食，佢听见我朋友讲开唔食鹅肝，话下次其实都可以同师傅讲有乜唔食，安排转其他菜式。
总括嚟讲，呢间铁板烧相当出色，采用嘅食材非常新鲜，推介啊！今次因为食龙虾就贵啲，但如果嗌返我上次食个二人餐，性价比高好多！我无谂过喺观塘区都有咁高质素嘅铁板烧料理店😋。
张贴
