叫左一份自家製炸黑炭豬排漢堡包,配菜係雜菜沙律,另外叫左一杯凍既榛子鮮奶朱古力。依次去都幾多人,大概20分鐘先有野食。
包如其名,裡面幾塊豬排既外觀真係黑炭一樣,不過氣味好香,令人食指大動,而且份量十足。手機食完之後,我急不及待整個漢堡拎起大啖咬落去!以我男性既一口黎講,都係緊緊夠咬齊哂咁多樣材料,可見個包幾巨型。
漢堡包表面既芝麻好香,個包本身表面少少脆,入面軟熟。黑炭麵衣既風味好特別,有少少似炸黑芝麻,但又唔完全一樣,炸得好酥脆而又唔會成口油。而入面既豬排依然係嫩口有汁,搭配醬汁和蔬菜,整體配合得好好,值得一試。
食完超級滿足,將軍澳最近搵唔到好食既漢堡包,好彩觀塘都仲有,下次可以再黎試其他野。
自家製炸黑炭包豬排漢堡包配雜菜沙律 $98
榛子鮮奶朱古力 $24
