山戶屋

营业中

休息中

2022•05•15 💚觀塘假日閒逛到附近，未食午飯，打算睇下有咩食，職員見到好熱情咁招呼，於是就入去試下啦。環境都好大好闊落，因為己過午飯時間，人客唔太多。下午茶餐有8樣可以選擇，都會包味噌湯及一杯飲品。湯及飲品冇咩特別。照燒雞排飯 HKD 44 照燒雞排煎得幾香，醬汁唔甜，味道比較淡，醫油味比較多。醫汁落得比較少，雞排食落雖然唔乾，但個人覺得如果多少少汁口感會比較好。食落米飯用咗珍珠米，濕度軟硬適中。山戶屋大板燒（海鮮蔬菜）HKD 52海鮮有墨魚粒、小蝦仁、八爪魚粒、蜆肉，蔬菜係椰菜，其他唔係好識分😅。木魚及紫菜好香，分量都可以夠飽。點菜時，職員話要等20分鐘左右。整體黎講，還可以，係環境夠闊落，坐得舒服。