丼瀛 (已搬遷) 新店位置

今日約咗朋友係「丼瀛」食lunch，丼瀛係觀塘區係一間日本料理店，地址位於觀塘巧明街109號榮昌工業大廈5樓A室，非常近apm。午市套餐選擇多，我最愛食刺身丼，所以就選擇「北海道刺身爆丼」，刺身類型豐富有吞拿魚、北海道帶子、甜蝦、三文魚、蟹子、玉子蛋、油甘魚及劍魚腩。份量十足，刺身新鮮甜美，吞拿魚肉質彈牙，最愛食北海道帶子，夠creamy，好高水準。朋友點了「蒜香雞扒套餐」配沙律及餃子，餃子是一般日式風味，煎得外脆內軟。蒜香雞扒啖啖肉，而且好惹味，套餐包飲品同麵豉湯，價錢很合理。另加多一份小食「銀鱈魚餅」，香香脆脆，蘸上沙律醬更滋味。