Add Some Thai Restaurant

营业中

休息中

觀塘真係好多美食隱藏左係一橦橦工業大廈上，而且仲包含咗世界各地的美食，今次就試咗其中一間好多人喜歡的泰國菜。我哋點了黃咖喱炒蟹、炒金邊粉配軟殻蟹、馬拉盞通菜，另外仲叫咗一個椰青同一個椰皇燉奶。黃咖喱炒蟹的蟹件預先用油輕泡，想出容易沾上蟹身，食落味道香濃。所有蟹殻都預先敲碎，輕易破開，方便食客。軟殼蟹炒金邊粉的軟殼蟹，炸得金黃香脆，而金邊粉酸酸甜甜，非常開胃，令人吃極不夠。馬拉盞炒通菜的鑊氣非常足夠，味道又鹹度適中。椰青是泰國直送，味道清甜，椰肉香甜。甜品方面是椰皇燉奶，燉奶充滿椰皇香氣，亦不會太甜。