相馬日式火鍋 觀塘 (已結業)

係相馬呢度真係食足兩個鐘，我哋去嗰日唔係好多人，店員仲好好，無趕我哋走，俾足時間我哋食🤓打邊爐最重要嘅湯底，我哋揀咗豚骨湯，好濃好鮮味，好真材實料，真係新鮮豬骨煮出嚟，完全冇呃人！任食嘅肉類方面每樣都好新鮮，而身為牛魔王嘅我就非常滿意依度嘅特選美國牛肩胛🤭牛肩胛本身就會比較有口感，比較有咬口，呢度嘅牛肉真係好好味，好新鮮，牛肉味夠晒濃，再加埋豚骨湯底，味道更鮮味更突出！呢度任食既熟食都好掂！！日式炸物多款唔在講，仲要真係好食，吉列炸蝦好脆，蝦肉又仲好嫩好彈牙，好食到傻😜蝦多士都有先抵死，仲好食過一般餐廳，問你死未😝另外單骨雞翼都係熟食，幾款唔同味道，我最愛係孜然味，炸到皮脆肉嫩😍邪惡好食！