古今二 (觀塘工業中心)

营业中

休息中

今次就去左观塘食好西，由尖沙咀街铺搬到上去观塘工厦既「古今二」。一口气就点选了「龙卷风沙律$65」，「带子寿司$30」，「三文鱼腩寿司$45」，「鳗鱼寿司$38」，「金龙卷$85」，「超级龙卷风$88」，「炸明太子鸡翼$32」。首先食返个沙律打个底先，就叫左「龙卷风沙律」，份量都几合理，沙律内有蔬菜、海藻、蟹柳、脆片！食落好特别，有沙律既口感，但食食下又有脆片令到成个沙律都好丰富。之后三客手握寿司，呢到既寿司系''一客两件''既！「带子寿司」，「三文鱼腩寿司」，「鳗鱼寿司」。整体黎讲，寿司都好新鲜，份量刚刚好。卷物方面，「金龙卷」及「超级龙卷风」都系呢到既招牌菜式！「金龙卷」入面有芝士，炸虾，三文鱼。「超级龙卷风」入面有芝士，青瓜，虾，鳗鱼，脆片。两款卷物都分别有8件，味道不错，材料既配搭刚刚好，仲要系出面食唔到呢款既卷物！小食有「炸明太子鸡翼」，一碟两只，整只鸡翼已经起骨，内酿明太子，好足料，惊喜系新鲜炸出，热腾腾！不过略有一点点咸。不过都好建议大家去试食，值得推荐比各位亲友！p.s. 建议先打去预订座位，因为都经常爆满！