日月堂

营业中

休息中

今日觀塘行街食飯，朋友話呢間台式小店唔錯，位置有啲隱蔽，喺興業街轉入一條小路再行到尾上工廠大廈。 餐牌選擇都是地道嘅台灣菜式，招牌台灣麵，台式便當，蛋餅同台式小食等等。枱面放咗鹽酥粉同梅粉及醬油，客人可以因應自己嘅口味加調味粉。宜蘭花枝丸花枝丸好大粒，外皮炸得好酥脆，內裏好有咬口，爽口彈牙，仲食到好多魷魚粒粒，外面曬左鹽酥粉好惹味，我自己再加左啲梅粉，酸酸甜甜好開胃。起司肉鬆蛋捲餅🫔半溶既芝士配上滿滿嘅肉鬆好夾，蛋香味濃，配上特製嘅醬汁更惹味，芝士嘅拉絲效果都好吸引。紅燒牛肉麵🍜湯底十分濃郁，面身爽口彈牙；紅燒牛肉煮到十分淋，入口軟熟，牛味香濃，口感層次豐滿；仲有其他配菜，包括酸菜，青菜同蘿蔔，蘿蔔都煮得好淋好入味，配埋酸菜酸酸甜甜更開胃。🍗滷雞腿便當🍱雞腿好大隻，肉質結實冇咩肥肉，不過裏面滷得唔太夠入味，滷蛋都係一樣唔夠入味，反而滷肉夠晒入味，肥瘦適中，滷汁比例偏向鹹味多啲，撈飯撈埋酸菜食一流。🍋金桔檸檬綠茶都幾大杯，酸酸甜甜幾開胃，甜度適中，茶味比較淡，感覺音樂又似金桔檸檬又似百香果。桂圓紅棗茶甜度適中，夠晒熱好暖胃，養生之選。整體來講，食物質素不錯，價錢合理；服務態度良好。