串過鷄 (已結業)

自從佢重建之後好耐都冇行過去裕民坊個到 今日經過就睇吓附近有啲咩嘢食見到佢舖頭個名以為佢有全日都有串燒食 但原來係四點之後先有 不過唔緊要啦下次再去食佢啲串燒酥炸雞中翼即叫即炸 五件家中亦都好大件而且炸得十分之香脆可口 咬落去鮮嫩多汁涼拌一口花膠咁大個女都係第一次聽到花膠係有涼拌嘅 平視我哋對花膠嘅認知多數都係用嚟煲湯㗎嘛 佢完完全全打破咗我對花膠呢個傳統觀念 佢嘅一口花膠食落去真係勁full 個醬汁調校得十分之好 辣辣地幾開胃 而且佢完全一啲腥味都冇蟲草花膠雞湯米線成碗面嘅份量勁大份 個湯底好清 飲落去會覺得好滋補 佢用料勁足 你會見到滿滿嘅蟲草花雞肉同埋花膠鋪喺面 雞肉肥瘦適中而且好嫩滑泰式豬頸肉飯豬頸肉燒得啱啱好 嗰邊仲有少少脆口 配合埋佢酸酸辣辣嘅醬汁 勁惹味 而且好開胃 飯嘅側邊仲有啲配菜