360冰室

星期日喺觀塘上堂，lunch time與同學仔㨂左呢間茶餐廳試，呢度頗大，好多枱，座位間都好寬闊，坐得都算舒服！
星期日中午唔算多人，所以出餐都算快，我叫左個海南雞飯+燉湯！
海南雞味道唔差，如果d醬可以多幾款就更好，飯既質感一般！
最初跟人頭上羅宋湯比我地，我仲以為送錯，心諗冇所謂，因為我都鐘意飲西湯，點知個飯食到一半，燉湯先到，所以最後我飲左2碗湯😂
但係個燉湯真係超級多油，多到未揭蓋已經見到成個邊都係油，最後片左好耐先片走曬d油，味道ok, 如果冇咁多油會好好多囉！