友利冰室 x 勿當奴 (中海日升中心)

食過友利冰室嘅其他分店，都覺幾好食
但觀塘呢間真係麻麻
加上唔知點解夜晚冇勿當奴餐
本身想食漢堡餐，最後叫左二人餐
威靈頓牛柳同乳豬卡邦尼
首先我係太子分店係有食過以上兩樣嘢的
但係觀塘店再食硬係覺得冇咁好味
個牛入面好生同好難咬
乳豬啲肉少到好似得皮…

而且衛生都比其他分店差…
(去過太子同荔枝角分店)
已經成日有烏蠅飛嚟飛去
幾乎每次去/經過都見到有
咁食肆有烏蠅都理解嘅
但咁頻密有啲過分

但今次最過分係
居然有曱甴仲要上埋枱….
食食下突然見到有隻曱甴係枱到
爬緊上一張我用完嘅紙巾….
太核突冇影低，勸想食呢間嘅人食其他分店….
同埋希望此分店重視一下衛生情況