HOW Food Factory

之前有同事介紹過有間上樓嘅cafe 餐廳話呢間餐廳環境同食物質素都唔錯，所以就想上去試吓。入到去間餐廳都幾大下我估都有成千呎，呢間野其實本身應該係室內設計公司佢自己拎埋公司嘅外邊做餐廳Cafe所以裏面有好多傢俬賣，感覺好文青feel。

蜜糖栗子烤無骨鴨，燒蓮藕，燒椰菜花，
每個餐都會配有沙律同餐湯，餐湯係南瓜湯裡面有好多南瓜蓉，飲落去南瓜味好濃郁好好飲。
個無骨鴨烤得唔錯，肉唔會鞋，而且份量都幾大，啖啖肉。另外，配菜揀得一啲都唔馬虎，栗子、蓮藕、椰菜花同個無骨鴨都好配，整體感覺好有特色，味道不錯。

蜜糖栗子烤無骨鴨，燒蓮藕，燒椰菜花

$188

慢煮厚切日本四元豚肉，薯蓉，肉桂蘋果，
呢個係餐廳推介，豚肉好厚切，成塊豚肉脂肪同肉嘅比例剛剛好，慢煮既豚肉果然口感好腍，肉質好鮮嫩，加埋薯蓉食落去好夾，味道一流。

慢煮厚切日本四元豚肉，薯蓉，肉桂蘋果

$198

今次嚟到呢間餐廳果然冇介紹錯，不過我個人黎講覺得貴咗少少，但一樣都會介紹俾朋友去食。