泓 (已結業)

周末計劃左去屯門T•Park參觀，出發前一於係屯門附近食個lunch先，發現有間幾cool既餐廳，門外簡單一個《泓》襯托黑色石磚牆。餐廳內以bar枱形式，客人圍坐在鐵板前，近距離欣賞師傅的烹調手藝，又可以直接交流。打開餐單，最平不用兩百蚊就食到海鮮、牛扒等8道菜套餐。比目魚西冷套餐（一人前）-帶子肉厚、食落鮮嫩滑溜-比目魚簡單以海鹽、胡椒調味，完全吾腥油脂豐富-安格斯西冷叫咗七成熟，熟度控制得岩岩好，牛肉味濃鮮三文魚牛柳套餐（一人前）-三文魚煎到金黃，外皮脆身，非常香口-龍脷柳兩面各沾了薄薄一層麵粉，無刺啖啖肉-安格斯牛柳切粒，配上乾蒜片一齊吃，更加惹味另外，套餐入面包含了前菜沙律、炒飯、什菜和麵豉湯。沙律菜都幾新鮮，配上胡麻醬，好開胃；鐵板上的炒飯炒得乾身而且粒粒分明，帶點蛋香。用一個平民價錢去體驗一次席前鐵板燒，呢間餐廳係一個唔錯嘅選擇。