Odelice! (The ONE)

同男朋友既紀念日，雖然都唔會大費周章慶祝，但係都要簡單食個飯，因為我鍾意生活要過得有點儀式感，今次就揀左間親民又環境舒適既法國餐廳。吞拿魚尼斯沙律先黎一個沙律清新一下口腔，沙律既材料好豐富，炙熱呑拿魚美味新鮮帶點燒過既香味，當中比較特別既係加左鯷魚，增加左份鹹香味道，配埋蜜糖芥末油醋汁，清新開胃。法式香煎鴨胸呢道香煎鴨胸煎得剛剛好，好少食到咁嫩滑既鴨胸，配菜既款式亦有心思，有橙香蕃薯蓉、炒磨菇、蕃茄仔同肉桂蘋果粒，伴埋鴨胸食味道特別。經典肉眼牛排配薯條點左medium rare，似乎有點overcook，不過幸好肉質亦很嫩，中間仍然係粉嫩既粉紅色，肉味香濃。旁邊的薯條炸到熱辣辣，香脆可口。經典黑松露雜菌燴飯意大利飯既口感煮得帶點咬口，係正宗既做法，加上creamy既忌廉汁同黑松露味道濃郁，但食落唔會膩。煎香蕉焦糖醬雪糕可麗餅因為可麗餅係呢間餐廳既招牌菜，所以必須點一份試下！除左甜既版本亦有鹹既，不過我都係對甜品既興趣比較大。可麗餅口感煙韌，配埋冰凍既雲尼拿雪糕好食。