和氣食堂 (黃大仙中心南館)

中午係黃大仙附近做完野，係黃大仙中心行行下見到呢間日本野，見啲價錢都算親民就走入去醫下肚。
我嗌左個胡麻角切魚生冷烏冬，我最鍾意嘅蟹子沙律同藍柑白桃梳打。
胡麻角切魚生冷烏冬：自己本身好鍾意食烏冬，一黎到個樣係幾吸引。啲烏冬好正👍🏼 唔係軟lum lum 冇口感個啲，夠煙韌夠曬口感。啲魚生都新鮮，有蝦，三文魚，吞拿魚，八爪魚，油甘魚，而且份量都幾足。
蟹子沙律：蟹子嘅份量都足夠，青瓜爽口。
藍柑白桃梳打：大大杯，上面插住枝lemonade, 入口唔會太甜，白桃味好重👍🏼