阿四車仔麵 (已結業)

太座要去粉岭买嘢，两公婆顺便拍吓拖行吓街，谂住买好出名𠮶档猪手外卖，行过同一条街见到呢间车仔面都几多人食，打个眼色就入咗去！店员态度非常之好，印象分已加！“招牌面”有鸡翼、辣鱿鱼、猪皮、猪大肠、卤水蛋、鱼蛋、猪红、萝卜同鸡翼尖九样𩠌，啱哂太座呢D选择困难症嘅人，太座话味道冇10分，但8分都有，都几好味㖞！每次去新店车仔面我都必点心中三宝～猪皮、猪红、猪肠，只要呢三种食物好味，呢间车仔面就一定好食，结果真系冇失望，猪肠够大块，食落弹牙但唔韧，猪红夹落冇散，猪皮唔会过腍，附加一匙羹甜酱，我就再加羹菜脯，惹味！叫多两款小食，“吉列蚝”上枱热辣辣，炸得唔太油，有水准！“麻辣牛柏叶”啱哂太座呢个啫辣人，够哂麻辣！至于饮品，对车仔面档嘅饮品就唔好有好高期望就啱喇！