影片
更多
2013-04-16
93 浏览
跟大胃朋友食饭,最好当然拣可任食既餐厅啦.记得食过大和烧系几OK既,仲有团购价,不作他想,一于覆卓.食物选单有7-8张纸,我地狂风扫落叶下点左几轮食物:火灸寿司系列-左口鱼背边,深海赤鯥,日本鲂弗,葱蒜三文鱼茶渍等, 赤鯥即系板X寿司卖紧广告那种鱼,食落冇乜特别,不过好惊喜哩度有得食.三文鱼茶渍几特别,葱花微香,加上少少焦味, 层次感丰富,good既!鲂弗鱼鱼纹几明显,初时以为系腥既,食落又好彩冇,但唔算滑,唔系人人喜欢.左口鱼背边一向系我至爱,微焦香+鱼油=滋味无穷,我推介朋友食过后大家都有encore.其他较特别既寿司:安康鱼肝,三文鱼士多啤梨酱,玻璃虾等, 加左stawberry酱既三文鱼几sweet, 女士一定钟意. 鱼肝寿司唔敢食,因为个人唔多食内脏,友人们食后感系.玻璃虾一如以往大只, 虾肉弹牙,like~卷物点左特别d既:芝麻香辣三文鱼碎卷及火灸蟹肉鱼生太卷,前者饭边围哂芝麻粒,好香口,唔会太辣,几好; 后者蟹肉几多,伴上沙津酱同饭中鱼生鲜味倍增,比较下后者险胜!刺身今次等得耐左, 不过卖相好靓,估唔到佢用船上.8款任食刺身点齐, 鱼生片几厚,唔小家.唯甜虾细只d.北寄贝
食物选单有7-8张纸,我地狂风扫落叶下点左几轮食物:
火灸寿司系列-左口鱼背边,深海赤鯥,日本鲂弗,葱蒜三文鱼茶渍等, 赤鯥即系板X寿司卖紧广告那种鱼,食落冇乜特别,不过好惊喜哩度有得食.三文鱼茶渍几特别,葱花微香,加上少少焦味, 层次感丰富,good既!鲂弗鱼鱼纹几明显,初时以为系腥既,食落又好彩冇,但唔算滑,唔系人人喜欢.左口鱼背边一向系我至爱,微焦香+鱼油=滋味无穷,我推介朋友食过后大家都有encore.
其他较特别既寿司:安康鱼肝,三文鱼士多啤梨酱,玻璃虾等, 加左stawberry酱既三文鱼几sweet, 女士一定钟意. 鱼肝寿司唔敢食,因为个人唔多食内脏,友人们食后感系[ok吖].玻璃虾一如以往大只, 虾肉弹牙,like~
卷物点左特别d既:芝麻香辣三文鱼碎卷及火灸蟹肉鱼生太卷,前者饭边围哂芝麻粒,好香口,唔会太辣,几好; 后者蟹肉几多,伴上沙津酱同饭中鱼生鲜味倍增,比较下后者险胜!
刺身今次等得耐左, 不过卖相好靓,估唔到佢用船上.8款任食刺身点齐, 鱼生片几厚,唔小家.唯甜虾细只d.北寄贝呀,鲍片,螺片都有嚼劲,希灵鱼仲切得好大片,但个人唔太欣赏此鱼类, 咬一啖就放弃.
炸物点左吉列蚝及吉列海虾,炸粉再薄d就好了, 好难跟贵价日本料理比较,但蚝及虾都都够热,蚝保留到肉汁,几juicy,3个蚝痴第2转叫左8只,好夸张 虾又脆又香,只系细只d.
烧物今次冇左蒜片烧牛肉粒,劲劲劲失望呀点左烧茄子,烧菠萝,烧粟米,串烧花枝丸等, 烧粟米比较失准, 未热哂,又冇焦味,扣分.
环亚美食叫左猪大肠,青酒煮蚬,辣花螺,前3样份量都细左,可能初落单时写2人,要注意.
6寸薄pizza皮劲薄㖞,冇咁滞肚,味一般啦,有hawaii及粟米tuna,要趁热食先好味
食左近一个钟,已经9成饱了, 死都唔肯放弃既系北海道牛乳奶冻及木糠布甸.个奶冻细兜左可能今次系团购价,每日限量供应,食左先算啦,好彩味道依然.木糠布甸份量不变,一杯满既都食左8成,肚皮唔得了,友人们又食雪糕又食brownie,我又系得个睇字,不过肚皮已经好满足,友人们食多3个字先收手.睇佢地个样就知应该冇投诉.
题外话/补充资料：
友人带左支白酒来伴食,侍应好醒咁俾个冰桶我地,几细心!
(以上食记乃用户个人意见 , 并不代表OpenRice之观点。)
张贴
